Siglir tar il cuntegn
Inhalt

Chantun Fusiuns èn ina sfida per vischnancas burgaisas

Adina dapli vischnancas politicas en il Grischun fusiuneschan. E cura che las vischnancas politicas fusiuneschan ston er las vischnancas burgaisas fusiunar, gugent u navidas.

La radunanza da delegads da l'associaziun grischuna da las vischnancas burgaisas.
Legenda: La radunanza da delegads da l'associaziun grischuna da las vischnancas burgaisas. RTR, Prisca Bundi

108 vischnancas politicas dumbra il Grischun oz. Quai èn 50 pli paucas ch'anc avant tschintg onns. Ed il chantun vul ch'i vegnia fusiunà vinavant. Quai munta ch'er las vischnancas burgaisas ston fusiunar. E quai chaschuna er in qual sfida. Sch'il territori da la vischnanca burgaisa crescha, dat quai numnadamain er dapli lavur, uschia Theo Haas il president da l'associaziun grischuna da las vischnancas burgaisas.

Funcziuna bain

Da principi funcziunian las fusiuns bain. Schon ordavant guardan las vischnancas burgaisas per ordinari dad avair in represchentant en la cumissiun preparatorica per la fusiun, uschia che quel guarda ch'er ils basegns da la vischnanca burgaisa vegnan resguardads, uschia Theo Haas.

Theo Haas sa retira

Ils delegads han elegì tar lur radunanza in successur per Theo Haas che sa retira suenter otg onns a la testa. Sco ses successur è Fredi Stocker da Landquart vegnì elegì. El surprenda ses uffizi il cumenzament dal 2019. La proxima radunanza da delegads è l'auter onn a Glion.

RR actualitad 07:00