Siglir tar il cuntegn
Inhalt

Chantun Fusiunar plaivs decida sulet l'uvestg

La baselgia catolica dal Grischun ha structuras sumegliantas al chantun. Il Corpus catholicum è sco il Cussegl grond, la cumissiun d'administraziun è la regenza. Quai è organisà tenor dretg public. Tar la baselgia catolica datti dentant anc l'uvestgieu, ch'è organisà tenor il dretg canonic.

La chasa da l'uvestgieu da Cuira
Legenda: L'uvestgieu è organisà tenor il dretg canonic. Keystone

Quest sistem dual u parallel - in'organisaziun tenor dretg canonic e dasperas in'organisaziun tenor dretg public - funcziunia sulet sch'i dettia ina buna enclegientscha tranter il spiritual e l'uvestg e da l'autra vart tranter la suprastanza da la vischnanca da plaiv (cumin-baselgia) e la cumissiun d'administraziun dal Corpus catholicum. Quai di l'anteriur derschader federal Giusep Nay.

Uvestg ha dretg da veto

Fusiunar ina vischnanca da plaiv (cumin-baselgia, Kirchgemeinde) è pli simpel. Qua dovri sulet ina decisiun da la radunanza generala da la vischnanca. L'uvestg n'ha tar ina tala fusiun nagin dretg da veto. Quel ha el sulet tar ina fusiun da plaivs.

Afier ils proxims 2 onns vegni fitg probabel a dar intginas fusiuns da vischnancas da plaiv. Il sistem nov da contribuziuns da la baselgia chantunala sforza numnadamain las vischnancas da plaivs pitschnas da fusiunar.