Siglir tar il cuntegn

Chantun Functional Food GmbH fa grondas investiziuns a Grono

Dapi il matg producescha la Functional Food GmbH a Grono capslas che promovan la sanadad. Uss vuless ella far novas investiziuns.

Lieu da producziun da la Functional Food GmbH a Grono
Legenda: Qua al lieu da producziun da la Functional Food GmbH a Grono vegn investì. MAD

En las localitads da l’anteriura Alice Allison SA producescha la Functional Food GmbH dapi bun dus mais capslas per bavrondas che promovan la sanadad. Fin l’onn 2022 vul ella investir ulteriurs 18 milliuns francs e crear 70 novas plazzas da lavur.

Contribuziun chantunala

Sco la regenza grischuna scriva, garantescha ella ina contribuziun chantunala d’in mez milliun francs e conceda in’emprest chantunal da 1,5 milliuns francs cun ina durada da diesch onns. Quai cun la resalva d’ina finanziaziun totala segirada.

RR novitads 06:00