Siglir tar il cuntegn
cuntegn

Chantun Fit il 2018 – Co che quai va …

Oz è Ornella Poltéra en il studio dal Radio Rumantsch. L'instructura da fitness dat tips, co daventar fit ed er co perder l'in u l'auter kilo. Tge pon ins far per tegnair tras la dieta? E tge pon ins far per evitar il «effect da jojo»? Las respostas en il discurs (tranter las 11 e las 12).

Legenda: Guardar il video Ornella Poltéra davart fitness e dietas. Durada 04:00 minutas.
Or da RTR dals 16.01.2018.

Il cumenzament da l'onn è er adina il temp per propiests. Ed in che vegn numnà savens è far sport, daventar pli fit u perder insaquants kilos. Per gidar in zic avain envidà l'instructura da fitness Ornella Poltéra en il studio. Durant in'ura ha'la respundì nossas e Vossas dumondas.

Dietas extremas

I dat bleras variantas per perder kilos e daventar pli fit. Far sport, mangiar pli pauc e pli sanadaivel. Quai èn las variantas las pli derasadas. I dat dentant er dietas fitg extremas. Sco per exempel la dieta da suc da citronas, la dieta da la glina e la dieta da 24 uras.

Quai stoda «effect da jojo» !

Suenter insaquantas emnas e mais far dieta, han ins lura forsa cuntanschì il success giavischà. Ma lura pudess vegnir il «effect da jojo» e tut ils kilos turnan puspè. Ma tge pon ins far encunter quel? Ornella Poltéra ha er tips per evitar quel.

Ils tips da passants a Cuira

Blers han gia empruvà da perder insaquants kilos u da daventar pli fit. La dieta la pli populara è da mangiar la mesadad. Ubain simplamain betg mangiar tschigulatta e glatsch, e lura vai tut da sez. Quai en scadin cas ils tips da passantas e passants.

RR actualitad 11:00