Siglir tar il cuntegn
cuntegn

Chantun Fiera d'advent en chasa da vegls a Domat

La chasa da vegls Falveng festivescha oz cun stans da magliar e musica live.

 Dus dals stans ch'èn decorads ritgamain.
Legenda: Dus dals stans ch'èn decorads ritgamain. RTR, Ivo Orlik

Fieras da Nadal datti cunzunt il december. Inqual lieu ha dentant gia ussa bajegia stans cun bellezza decoraziuns.

Ina fiera speziala ha gì lieu oz a Domat ella chasa da vegls Falveng. Cunabitants e collavoraturs han creà differentas chandailas, cranzs, sirups, mels e bler dapli.

Il programm da la fiera d'advent
Legenda: Il programm da la fiera d'advent. casa-falveng.ch

Spezial vid lur fiera da Nadal: els han midà enturn la cafetaria en ina stiva da raclette ed han purschì l’entir di differents menus.

Il highlight tenor il mainachasa Edmund Jörg è il concert da la gruppa d'accapella «Acavoce». Vinavant ha Son Niclà visità la chasa, sco er Christine Luginbühl ch'ha raquintà paraulas per ils pigns.

RR actualitad 17:00