Siglir tar il cuntegn
cuntegn

Chantun Festa da musica sin buna via

2019 ha lieu la festa da musica chantunala ad Arosa. Il comité d’organisaziun è sin buna via. La gronda part è gia organisada, uss èn las musicas londervi.

Da sanestra: Andy Kolleger, president uniun chantunala, Martin Butzerin, president comitè d'organisaziun ed Adrian Kohler, president societad da musica Arosa.
Legenda: Fieu e flomma per la festa: Da sanestra: Andy Kolleger, president uniun chantunala, Martin Butzerin, president comitè d'organisaziun ed Adrian Kohler, president societad da musica Arosa. MAD

Diversas musicas han gia s'annunzià per la festa chantunala ad Arosa. Autras musicas spetgan anc. Ellas vulan l’emprim manar tras lur concert annual e pir suenter decider. Termin per s’annunziar provisoric è la fin da matg 2018.

Ma betg mo las musicas dal chantun Grischun han interess. Era ina ni l’autra musica d'in auter chantun ha mussà interess, uschè Martin Butzerin, il president dal comité d’organisaziun.

Nus avain plazza per 60 uniuns da musica. Prioritad han natiralmain las musicas da qua. Il rest emplenin nus cun autras.
Autur: Martin Butzerinpresident dal comité d’organisaziun

Anc en tschertga da sponsurs

Il budget da la festa importa 600’000 francs, uschè Martin Butzerin. Là en cumprais ils dus locals da concerts, pernottaziuns ed il lieu da festa. Quels custs surprendan ils participants e visitaders sez, il chantun ed surtut sponsurs. Per il mument èn ins en discussiun cun differentas organisaziuns, uschia Martin Butzerin.

En il comité d’organisaziun èn era la societad da musica d’Arosa, Arosa turissem e la pendicularas.

Musica bernaisa per il Grischun

La cumissiun da musica chantunala ha gia tschernì ils tocs da lezia. Quels preschentan els dentant pir il proxim onn, curt avant la festa. Uschia na cumenza nagin ad exercitar pli baud ch’ils auters. Il toc da lezia da la quarta classa vegn dentant scrit dal cumponist bernais Mario Bürki aposta per la festa da musica.

RR Actualitad 17:00