Siglir tar il cuntegn

Header

Navigaziun

Er l'onn passà aveva il favugn procura per moviment, sco per exempel al Lai d'Uri.
Legenda: Er l'onn passà aveva il favugn procura per moviment, sco per exempel en il Lai d'Uri. Keystone
cuntegn

Chantun Ferm favugn en il Grischun

En il Grischun buffa il favugn. Vents burascus han per part derschì plantas. En Val Lumnezia è la via tranter Lumbrein e Vrin stada serrada da mezdi pervi da plantas cupitgadas. Entant è la via puspè rumida.

Er en l'Engiadina Bassa ha il favugn buffà enturn plantas: la via dad Ardez e Ftan è anc adina serrada en omaduas direcziuns. En la regiun da Tavau han stemprads fatg serrar il traject da viafier da Tavau Plaz a Filisur e da Tavau a Landquart.

Ed er serrà è il traject da Cuira a San Murezzan, tranter Filisur e Samedan. Er qua impedeschan plantas il traffic. Vers saira avess il favugn da laschar suenter ed i cumenza a plover.

RR novitads 15:00