Siglir tar il cuntegn

Chantun Far l’emprendissadi ed ir – en la gastronomia fan quai 2 da 3

Mo mintga terza persuna che absolvescha en il Grischun in emprendissadi en la gastronomia resta sin la clamada: Il 2017 fissan quai da 150 absolvents pia mo 50 persunas. Ina cifra in pau frustranta, dentant er ina sfida per il futur, di Gastro Grischun.

Ils absolvents or dals emprendissadis da gastronomia durant il pled festiv da Ernst Wyrsch.
Legenda: Ils absolvents or dals emprendissadis da gastronomia durant il pled festiv dad Ernst Wyrsch. mad

Di da festa a Landquart: 150 absolventas ed absolvents da tut ils emprendissadis en la gastronomia han survegni lur diploms. Da tut questas persunas vegn dentant mo radund mintga terza a restar sin la clamada: Pia da 150 absolventas ed absolvents be anc 50.

Il temp da lavur è memia irregular per ils absolvents

Divers absolvents han laschà sentir ch’il temp da lavur è in motiv per betg restar en la branscha. Da quai ha er Tamara Henderson, responsabla per ils emprendists tar Gastro Grischun, prendì enconuschientscha.

I dettia gia models nua ch’i vegnia resguardà in temp da lavur pli attractiv. Tuttina, ins stoppia ins restar realistic. La gastronomia saja ina branscha nua ch’i vegnia lavura la saira e fin d’emna. Quai na vesa Henderson però betg co problem mabain sco sfida per il futur.

RR actualitad 07:10