Siglir tar il cuntegn

Header

cuntegn

Far fain 2020 Pli baud ch'auters onns

Las vatgas èn chargiadas ad alp ed igl è stà ditg sitg e chaud, perquai han blers gia entschet a fanar. Ils resuns ord las differentas regiuns èn per il mument anc fitg differents, di Batist Spinatsch il cussegliader agricul dal Plantahof.

audio
Racolta da fain – grondas differenzas en Grischun
ord Actualitad dals 05.06.2020.
laschar ir. Durada: 2 minutas 44 Secundas.

Bunamain en tuttas regiuns datti grondas differenzas. Per part schizunt da parcella tar parcella. Sin ils terrens che han pudì salvar blera aua u èn vegnids bagnads, saja la racolta buna. Là nua ch'igl è stà fitg sitg, dettia plitost ina nauscha racolta. Da quella sitgira è per il mument cunzunt l'Engiadina Bassa pertutgada.

audio
Far fain: Differentas variantas da cultivaziun
ord Actualitad dals 05.06.2020.
laschar ir. Durada: 2 minutas 16 Secundas.

Tenor il cussegliader dal Plantahof pudess l'onn 2020 esser puncto far fain in onn mediocher. Sch'i vegn la finala propi ad esser uschia, sa mussia dentant pir la fin da la stagiun da far fain.

RTR actualitad 07:00

Artitgels legids il pli savens