Siglir tar il cuntegn
cuntegn

Chantun Falleri Fallera gida da chantar

L'applicaziun ha ils texts da 1'600 chanzuns popularas. La gronda part èn quai chanzuns tudestgas (100 franzosas e 400 talianas). I dat era ils texts da 200 chanzuns popularas rumantschas. Marco Deplazes ha rimnà ils texts e publitgà ussa en in’applicaziun che porta il tetel Falleri Fallera.

um mussa ses telefonin
Legenda: Marco Deplazes, preschenta «Falleri Fallera» sin ses telefonin. mad, A. Rudolf

Per 1.- fr. pon ins chargiar l'app.Il problem enconuschan blers: star da cumpagnia ed ins vul chantar. Il text da l'emprima strofa va per regla tip-top, per la segunda ed ulteriuras strofas mancan dentant ils pleds. Deplazas, ch'è oriund da Rabius ha schlià quest problem.

L'applicaziun è actualmain sulettamain accessibla per apparats da Apple. Sche la dumonda è avant maun, lura vul Marco Deplazas era porscher l'applicaziun per il sistem Android.