Siglir tar il cuntegn
cuntegn

Chantun Ester Vonplon gudogna il premi d'art Manor Grischun 2017

L'artista da 36 onns lavura e viva a Glion. Dapi il 2008 vegnan sias lavurs er mussadas sin plaun internaziunal a chaschun da numerusas exposiziuns da gruppa. L'onn 2015 è Ester Vonplon vegnida mussada per l'emprima giada en in'exposiziun singula museala.

Purtret alv e nair da l'artista.
Legenda: Ester Vonplon viva e lavura a Glion. MAD/Ester Vonplon

Il premi Manor Grischun 2017 è dotà cun 15'000 francs. Igl è in dals premis da promoziun ils impurtants per l'art contemporan en Svizra. Las lavurs da Vonplon èn exponidas dals 2 da settember enfin ils 17 da december 2017 en il museum d'art dal Grischun a Cuira.

Purtret cun ina planira alba da naiv sainza orizont.
Legenda: L'art da Vonplon è pil solit en alv e nair, sal, naiv, u glatsch. MAD/Ester Vonplon

Sco quai ch'il museum scriva èn las lavurs da Vonplon caracterisadas d'ina reducziun radicala e d'ina isolaziun dals motivs. L'artista ha per solit la natira sco motiv. Ella tscherna extracts d amaletg senza orizont, dissolva las perspectivas e las relaziuns da grondezza e sa concentrescha cumplainamain sin la materialitad da ses motivs.

RR novitads 16:00