Siglir tar il cuntegn
Inhalt

Chantun Er ils Verd-liberals van en il cumbat per la regenza

Il president da la Partida verd-liberala Gaudenz Bavier conferma: Er sia partida vegn a preschentar in candidat ubain ina candidata per las elecziuns da la regenza da l'auter onn. Tgi che quai è na tradescha el dentant anc betg.

Il president dals verd-liberals dal Grischun conferma: Er sia partida vegn a candidar.
Legenda: Gaudenz Bavier Il president dals Verd-liberals dal Grischun conferma: Er sia partida vegn a candidar. G. C. Candinas

La Partida verd-liberala dal Grischun vegn a nominar ils 11 da november lur candidata ubain lur candidat per las elecziuns da la regenza Grischuna dal 2018. Quai ha Gaudenz Bavier, il president da la partida confirmà.

I saja impurtant, ch'era ils Verd-liberals giajan en la cursa, saja quai be per vegnir envidads a podis ubain ad occurenzas e per uschia pudair politisar ensemen cun autras partidas.

La speranza è pitschna

Quai che pertutga las schanzas concretas da gudagnar in sez en la regenza resta Bavier dentant realistic: Sco pli pitschna partida dal Grischun na quinta el betg cun ina victoria. Er tar las ultimas elecziuns da la regenza aveva il candidat da la Partida verd-liberala, Jürg Kappeller, fatg las pli paucas vuschs da tut ils candidats.

RR novitads 12:00