Siglir tar il cuntegn

Header

Navigaziun

Igl è da far adatg: en tscherts cudeschets d’elecziun mancan glistas.
Legenda: Igl è da far adatg: en tscherts cudeschets d’elecziun mancan glistas. Keystone
cuntegn

Chantun Er en il Grischun datti sbagls en ils documents d’elecziun

La chanzlia chantunala grischuna fa attent ch’ils documents per las elecziuns dals 18 d’october pon cuntegnair sbagls. En singuls cudeschets haja quai per part duas giadas la medema glista, perencunter manchia lura autras glistas. Quai saja in sbagl da producziun, scriva la chanzlia chantunala.

Reclamaziuns haja quai dà fin ussa be or da la vischnanca da Trimmis e Sursaissa, ha Walter Frizzoni da la chanzlia chantunala ditg ad RTR. El na quintia dentant betg ch'i dettia anc ulteriurs cudeschets cun glistas dublas u glistas che manchian. Persunas che han documents da votar cun sbagls pon barattar quels sin la chanzlia communala da la vischnanca da domicil.

Documents da votar che han en sbagls pon vegnir barattads en las singulas vischnancas da domicil. Las vischnancas èn gia infurmadas. Gia en auters chantuns sco en il Giura, Lucerna ed en il Vallais eran documents d’eleger vegnids tramess cun sbagls.

RR novitads 09:00