Dapi 12 onns maina Anita Müller Caflisch ensemen cun ses um ina pratica a Domat. Durant ils ultims onns è il numer da lur pazients creschì adina pli ferm. Malgrà ch'els han lavur pli ch’avunda prendan els anc pazients novs.
Nossa idea è stada che tut ils clients duajan avair la medema pussaivladad da survegnir provediment medicinal.
La situaziun en tut il Grischun conferma las difficultads e lascha presumar difficultads anc pli grondas: en dus onns smettan differents medis da chasa perquai ch’els han cuntanschì la vegliadetgna da pensiun.
La rait da medis Grisomed sa fa quitads
Era la Grisomed, la rait da medis grischuna, observa quel svilup cun quitads. Ella ha schizunt encletga, sche adina dapli medis na san betg pli prender si pazients novs.
Per ils medis èsi fitg grev. Els na san betg lavurar di e notg.
Daco n’ha il chantun Grischun anc betg reagì ?
Malgrà ch`il problem è enconuschents dapi onns, pari ch’igl vegn fatg pauc u nagut da la vart politica. Ch’els na hajan betg durmì, sincerescha il minister da sanadad grischun, Christian Rathgeb en il discurs cun il Telesguard.
Die Handlung ist leider nicht ausschliesslich beim Kanton. Das was wir vom Kanton aus machen können, das machen wir.