Siglir tar il cuntegn
Inhalt

Chantun Emprender d’ir cun auto gia cun 17 onns vegn realitad

La regenza grischuna beneventa da principi las midadas en connex cun la scolaziun d'ir cun auto. Uschia èsi pussaivel da survegnir il permiss d’emprender d’ir cun auto gia cun 17 onns, quai saja responsabel perquai ch’ins dastga emprender sulet cun accumpagnament.

In L sin in auto.
Legenda: La revisiun prevesa da lubir cun 17 onns da survegnir il permiss d'emprender d'ir cun auto. Keystone

La finamira da la revisiun da las prescripziuns federala è che las manischunzas ed ils manischunz giuvens han fin l’examen d’ir cun auto dapli pratica da manischar, quai scriva la Chanzlia chantunala. Era duai dar simplificaziuns administrativas. Ina autra finamira è da far pli favuraivla l’entira scolaziun per las automobilistas ed ils automobilists futurs.

Differents puncts d’adattaziun

La regenza è da l’opiniun che las lecziuns individualas obligatoricas planisadas, nua ch’ì vegn emprendì per exempel franadas totals u da manischar a moda energetica na fetschian nagin senn, perquai che quests temas sajan gia oz ina part dal examen pratic da manischar. La scolaziun supplementara chaschunass sulet lavur administrativa, scriva la Chanzlia chantunala. Era duajan persunas che fan l’examen cun in mecanissem automatic sulet pudair manischar tals autos e betg autos cun in mecanissem manual.

RR novitads 12:00