Siglir tar il cuntegn

Header

video
Sin il banc cun las Liricas Analas
Or da RTR Social dals 19.07.2021.
laschar ir
cuntegn

Emprema single «Liricas Analas» din adia cun nov album

Suenter 20 onns e tschintg albums èsi a fin, ils pioniers dal rap rumantsch din adia. Cun l’ultima «emprima single» da las Liricas Analas che sa numna «Fiug» cumenza il cumià dals rappunz rumantschs.

«Liricas Analas » live tar RTR

Cumenzà ha tut pitschen, cun set giuvens en in tschaler a Sedrun – daventà èsi insatge grond. Els han gì concerts sin las grondas tribunas en l'entira Svizra ed in success sur ils cunfins ora. L'onn 2009 èn els perfin stads nominads per il «Swiss Music Award» en la sparta «Best Newcomer». Era sch'i n'ha betg tanschì per l'emprim plaz, han las Liricas betg dà si e producì vinavant buna musica.

Albums

L'emprim album «analogia» è cumparì l'onn 2004. Ils proxims onns èn suandads quatter ulteriurs albums ch'han gì grond success. L'ultim album è stà «banalitad». Quel han els publitgà suenter ina lunga pausa dal 2011 enfin il 2016. Durant quest temp èsi stà fitg ruassaivel enturn las «Liricas Analas» ma els èn vegnids «BACK».

Hit «Siemis»

Enconuschents èn «Liricas Analas» vegnids cun il hit «Siemis». Quel han els era chantà a la sonda lunga da l'onn 2019 tar RTR.

video
Liricas Analas – Siemis live @Sondalunga
Or da RTR Social dals 19.11.2019.
laschar ir

Las Liricas Analas sin visita tar RTR il 2019:

video
Liricas Analas a la Sonda lunga – Ma in comeback n'è betg tema
Or da Telesguard dals 18.11.2019.
laschar ir

Co ticcan ils rappunz?

Els ticcan different, fitg different e tuttina chattan els dapi l'entschatta ensemen la storta. Ils Cuntrasts han accumpagnà il 2016 ils trais rappunz Orange, Flepp e Jusht.

video
Quels da las LIRICAS – Orange, Flepp e Jusht (09.10.2016)
Or da Cuntrasts dals 04.10.2016.
laschar ir

RTR actualitad 11:00

Artitgels legids il pli savens

Scrollar a sanestra Scrollar a dretga