Siglir tar il cuntegn
cuntegn

Chantun «Empire» – il song dal CM San Murezzan 2017

Sco i tutga tar in'occurrenza da sport mundiala datti er per il Campiunadi mundial da skis 2017 ina chanzun. Cumponì la chanzun ha Matt Buchli, in dals quatter frars da la gruppa grischuna 77 Bombay Street.

Legenda: Tadlar il audio Song dal CM San Murezzan 2017. Durada 03:42 minutas.
03:42 min, Actualitad dals 18.11.2016.

Sco quai ch'ils frars han ditg ad RTR, sajan els gia vegnids contactads baud per sclerir ils fatgs davart ina chanzun per il campiunadi. Ensemen cun SRF sajan els sesids ensemen per sclerir tge ch'ina tala chanzun duai cuntegnair, tge duai ella exprimer. Sco quai che Matt Buchli ha ditg aveva SRF in'entira glista da ideas che sajan stads in agid per el sco songwriter. In giavisch era ch'i dettia ina chanzun sco ina imna, ina chanzun che giaja bain en l'ureglia e che duai er exprimer la tensiun ed il plaschair anticipà.

Nagina surpraisa

Che 77 Bombay Street ha cumponì e chanta er il song dal campiunadi mundial n'era nagina surpraisa pli. Gia il settember è vegnì enconuschent per casualitad durant la seduta dal cussegl communal da San Murezzan, che la gruppa grischuna scrivia il song uffizial.

RR actualitad 08:00