Siglir tar il cuntegn

Header

Video
Tobia Valär envida a l'emissiun Ensemen cun Vus
Or da RTR Social dals 16.03.2020.
laschar ir
cuntegn

Emissiun 11:00 - 12:00 Salidai, engraziai e giavischai

Naginas visetas en ospitals e chasas d'attempads. Lavurar davent da chasa. Scolas serradas. Il coronavirus metta noss mintgadi sin il chau. Perquai vul RTR stgaffir cuminanza cun in'ura speziala al radio mintga di tranter las 11:00 e las 12:00.

Ensemen cun Vus

Sa participar pudais cun

  • telefonar live sin 0800 20 25 30 (mintga di 11:00 - 12:00)
  • trametter in whatsapp sin 079 200 70 07

Gist en temps nua ch'igl è da tegnair distanza, èsi impurtant da tegnair ensemen. Sa participai perquai a l'emissiun «Ensemen cun Vus».

Vus pudais per exempel:

  • salidar la tatta en chasa d'attempads
  • engraziar al vischin per in bun servetsch
  • giavischar ina chanzun per ina tgirunza che lavura en l'ospital

RTR emprova da sclerir dumondas che vegnan tschentadas savens en connex cun il coronavirus. Ina survista da dumondas e respostas chattais er qua:

RTR cun Vus e per Vus

  • En vista a la nova situaziun cun scolas serradas adattescha RTR ses program per giuvenils. Cunzunt online datti in'interessanta purschida che nus vegnin a cumplettar e schlargiar.
  • E tranter las 11 e las 12 vegnan lingias da telefon e canals socials averts per Vus.
  • Er la SRG/SSR adattescha ed extenda ses programs per giuvenils, sco per exempel «SRFmyScool». Latiers vul ins examinar visitas virtualas da museums ed ins vul recepir dapli gieus auditivs, podcasts e concerts sin giavisch en il program.
  • Er la purschida per persunas attempadas e talas ch'èn interessadas vid film e cultura vegn extendida. Plinavant augmenta la SRG/SSR la cumpart da musica svizra per sustegnair artists svizzers.

RTR Ensemen cun Vus 11:00

1 Commentari

Navigation aufklappen Navigation zuklappen

Vus essas annunzià sco Who ? (whoareyou) (Sortir)

Funcziun da commentari deactivada

Per nus èsi impurtant d'examinar svelt ils commentaris e da dar liber els. Perquai n'èsi betg pli pussibel da commentar emissiuns ed artitgels pli vegls.