Siglir tar il cuntegn

Header

cuntegn

Elecziuns 18 PBD cun chaus enconuschents

Jon Domenic Parolini è il terz onn en la regenza grischuna. Ma era Andreas Felix è ina fatscha enconuschenta en la politica grischuna. Dus candidats ch'ins enconuscha, ma omadus han era gì lingias grassas negativas il davos temp. La PBD ha lantschà il cumbat electoral.

Jon Domenic Parolini è enconuschent a blers sco anteriur president communal da Scuol e dapi dus onns e mez sco cusseglier guvernativ. Il segund e nov candidat, Andreas Felix, enconusch'ins sco president da la partida e sco manader da fatschenta da l'Uniun grischuna d'impressaris.

audio
Bunura: ELEC GR18: Cumbat betg uschè simpel per PBD
ord Actualitad dals 15.09.2017.
laschar ir. Durada: 2 minutas 32 Secundas.

Duas fatschas enconuschentas, ch'han dentant era procurà per lingias grassas main positivas. Jon Domenic Parolini ha gì dossiers diffilcs sco la resgia gronda a Domat, il turissem grischun u ils gieus olimpics.

Per Andreas Felix hai dà inqual dumonda en connex cun l'Uniun d'impressaris pertutgant las investigaziuns da la cumissiun da concurrenza.

Tant ils dus candidats sco era il manader dal cumbat electoral da la PBD, Gian Michael, na teman dentant betg che quai haja in effect negativ sin l'elecziun dal zercladur 2018.

RR actualitad 08:00

Artitgels legids il pli savens