Siglir tar il cuntegn

Header

Dapi 6 onns en la regenza grischuna: Christian Rathgeb.
Legenda: Dapi 6 onns en la regenza grischuna: Christian Rathgeb. MAD
cuntegn

Elecziuns 18 Christian Rathgeb Politica: «I dovra in tarpun cotschen per l'economia»

Porscher in bun clima per l'economia saja essenzial, di Christian Rathgeb. E quai betg mo en ils centers economics, mabain er en la periferia. Glieud cun bunas ideas e buns projects stoppian survegnir sustegn.

Christian Rathgeb maina dapi il 2012 il departament da giustia, segirezza e sanadad. El è vegnì elegì suenter che ses collega da partida Martin Schmid ha midà a Berna en il Cussegl dals chantuns.

Cumenzà ha sia carriera sco cusseglier guvernativ gist cun ina dira nusch: Ils cumbats enturn l'avertura d'in center per requirents d'asil a Laax. Insumma haja el stuì avrir plirs centers, quai saja adina ina sfida, di il politicher liberaldemocratic. Dentant er la sanadad saja in grond tema: El saja s'engaschà per ils ospitals regiunals – quels sajan da gronda impurtanza per il chantun e stoppian exnum vegnir mantegnids.

Per quai vul Christian Rathgeb s'engaschar

  • in tarpun cotschen per l'economia
  • franar il carschen dals custs da sanadad
  • colliar il turissem cun la sanadad

«Impurtant ch'i vegnia investì»

Christian Rathgeb vul er en la proxima legislatura cumbatter per ils ospitals regiunals. El vul dentant era metter in focus sin l'economia: Il Grischun haja fitg grond potenzial ed i dettia dapertut en il Grischun glieud cun bunas ideas e buns projects. Quella glieud saja da promover. I dovria in clima, nua ch'ins na saja betg disfidant vers novas ideas, mabain nua ch'i vegnia rullà ora il tarpun cotschen per ideas innovativas.

RR actualitad 11:00

Artitgels legids il pli savens