Legenda: Cuira RTRCuira
Sandra Maissen (PCD) è elegida da nov en la suprastanza da Cuira, quai cun 4'801 vuschs. Urs Marti (PLD) è vegnì confermà sco president ed er reelegì sco suprastant è Patrik Degiacomi (PS). Anita Mazzetta (Verda) avess er cuntanschì il pli absolut cun 4'571 vuschs, n'è dentant betg elegida. Er betg dumagnà en suprastanza cun 2'419 vuschs ha Mario Cortesi (PPS). El n'ha er betg cuntanschì il pli absolut. Sco president è Urs Marti vegnì confermà cun 6'445 vuschs tar in pli absolut da 4'826 vuschs.
Legenda: Tavau RTRTavau
A Tavau n'ha nagina da las quatter persunas cuntanschì il pli absolut da 2'167 vuschs per l’uffizi da landamma ed i dovra perquai in segund scrutini. Candidà avevan Peter Engler (PLD), Valérie Favre Accola (PPS), Christian Stricker (senza partida) e Philipp Wilhelm (PS). Per ils quatter sezs en suprastanza, l’uschenumnà «Kleiner Landrat», èn vegnids elegids: Simi Valär (PLD), Stefan Walser (PS), Iris Hoffmann-Stiffler (senza partida) e Jürg Zürcher (PLD). Betg elegì è Thomas Gerster (senza partida). El n'ha betg cuntanschì il pli absolut da 1'384 vuschs.
Legenda: Lumnezia RTRLumnezia
Daniel Solèr (PCD) è elegì sco nov president da vischnanca da la Lumnezia. El ha survegnì 593 vuschs. Ses adversari Daniel Blumenthal ha survegnì 405 vuschs. Il victur dal cumbat electoral succeda a Duri Blumenthal che na candidescha betg per ina terza perioda d’uffizi. Lez è stà l’emprim president communal da la vischnanca fusiunada il 2012. Per ils otg sezs en suprastanza avevan candidà er otg candidatas e candidats.
Legenda: Val Müstair RTRVal Müstair
Gabriella Binkert Bechetti (PPS) è la nova presidenta en Val Müstair. En la terza emprova èsi gartegià, ella ha battì il president en uffizi Rico Lamprecht (PBD). Binkert Becchetti ha survegnì 434 vuschs - Lamprecht 391. Binkert ha fatg be ina vusch dapli che necessari per dumagnar il pli absolut da 433 vuschs.
Legenda: Flem RTRFlem
Martin Hug ha gudagnà cleramain la cursa per il presidi cun 857 vuschs. Ulteriuras vuschs han survegnì Nicola Fantini cun 287 vuschs. Adrian Steiger il president vertent ha survegnì cun 157 las pli paucas vuschs. Plinavant ha Flem elegì la suprastanza: Elegids èn Jürg Caprez cun 537 vuschs, Guido Casty cun 495 vuschs e Nicola Fantini cun 465 vuschs.
Legenda: Claustra-Serneus RTRClaustra-Serneus
Il suveran da Claustra-Serneus vul ina midada al timun da la vischnanca: Cun 1'676 vuschs è elegì Hansueli Roth (PBD). Il president en uffizi Kurt Steck (senza partida) ha survegnì 134 vuschs. El sto uschia rumir ses post suenter duas periodas d'uffizi.
Legenda: Trun RTRTrun
Dumeni Tomaschett è reelegì cun 422 vuschs sco president da vischnanca. Ils trais suprastants en uffizi Erica Cavegn-Pfister (414 vuschs), Kurt Wolf (387 vuschs) e Lucas Arpagaus (334 vuschs) èn medemamain reelegids. Sco nov commember è Martino Della Valle (345 vuschs) vegnì elegì. La participaziun è stada tar 54%.
Legenda: Mustér. RTRMustér
Pauca tensiun hai dà tar l’elecziun presidiala, cunquai che René Epp (PCD) è stà il sulet candidat. Il Tuatschin è vegnì elegì cun 891 vuschs (pli absolut 475). El succeda a Robert Cajacob ch’ha abditgà. En suprastanza communala èn vegnids elegids: Iris Lombris-Manetsch (739), Paul Flurin Schmidt (638), Clemens Berther (632) e Wendelin Jacomet (606). Il pli absolut era tar 339 vuschs.
Legenda: Domat RTRDomat
Il president communal actual Erich Koller (PCD), ch’è dapi quatter onns en uffizi, è vegnì reelegì cun 1'591 vuschs (pli absolut 844). La suprastanza da Domat sa cumpona da nov da Silvia Bisculm Jörg (PS) che ha survegnì 1'141 vuschs, Nesina Ackermann-Gartmann (PCD) 1'119 vuschs ed Armin Tanner (PCD) 1'006 vuschs. Nov suprastant è Daniel Meyer (PPS), che ha survegnì 878 vuschs, . Betg vegnì reelegì è Georg Ragaz (independent) che ha survegnì 874 vuschs. Il pli absolut era tar 662 vuschs.
Legenda: Panaduz RTRPanaduz
La presidenta en uffizi, Elita Florin-Caluori (PCD), è vegnida reelegida cun 903 vuschs (absolut pli 680 vuschs). Rico Degiacomi ha survegnì 433 vuschs. Lez ha la gruppa d’interess «Futuro Bonaduz» tramess en il cumbat electoral. Per singuls hai dà 23 vuschs. La participaziun a l'urna era tar 60.2%.
Legenda: Val Stussavgia RTRVal Stussavgia
Nagin dals trais candidats per il presidi ha cuntanschì il pli absolut da 261 vuschs: Lukas Züst ha survegnì 204 vuschs, Barbara Schneider Zinsli 181 vuschs ed Elvira Solèr 87 vuschs. Il segund scrutini ha lieu ils 18 d'october. Part da la suprastanza communala fan: Jean Claude Pedrolini (396), Armin Buchli (384), Othmar Arnold (361) e Barbara Schneider Zinsli (348).
Legenda: Bravuogn Filisur RTRBravuogn Filisur
Luzi Schutz resta president communal da la vischnanca Bravuogn-Filisur. El ha survegnì 345 vuschs, quai tar 372 cedels electorals valaivels. Schutz è reelegì per la perioda d'uffizi da 2021 enfin 2023. L’elecziun dals quatter sezs en suprastanza da Bravuogn-Filisur è l’october. In suprastant ha annunzià sia demissiun, ils ulteriurs trais vulan vegnir reelegids.
Survista da votaziuns
Sper las elecziuns datti era bleras votaziuns en las vischnancas:
