Siglir tar il cuntegn
cuntegn

Chantun Elecziuns 2015 - In discurs davart las glistas

Las glistas cun ils candidats per il Cussegl naziunal èn sin maisa. Tut las partidas han preschentà fin ils davos dis e las davosas emnas tranter ina e 4 glistas.

In um ch'emplaina ora la glista d'elecziun.
Legenda: maletg simbollic: Tgi fa la cursa per in sez en il Cussegl naziunal. Keystone

Il cumbat electoral po pia ir liber ed ils candidats pon ir a la chatscha da vuschs. Ma co en las glistas da valitar? Tge partidas han schanzas sin in sez e per tgeninas vegni grev? Con probabel èsi che Martin Candinas dals cristiandemocrats, Silva Semadeni dals socialdemocrats, Heinz Brand da la Partida populara e Josias Gasser dals verdliberals pon salvar lur sez?

Po la Turitgaisa Magdalena Martullo-Blocher persvader ils Grischuns da sa sezza? Pon ils burgaisdemocrats remplazzar Hansjörg Hassler – u ston els surlaschar lur sez als liberaldemocrats?

Tut dumondas ch’il suveran Grischun respunda ils 18 d’october. Ad ina maisa radunda politica han Valentin Schmed, Michel Decurtins e Prisca Bundi fatg ina prima analisa.