Siglir tar il cuntegn

Chantun Elecziuns 2015: Grischun cun 15 glistas

Per las elecziuns dal Cussegl naziunal dals 18 d'october èn vegnidas inoltradas a la chanzlia chantunala dal Grischun 15 glistas cun totalmain 77 candidatas e candidats. En tut vulan 47 umens e 23 dunnas laschar eleger per il Cussegl naziunal.

bratsch che porta bandieras svizras e grischunas
Legenda: 71 persunas candideschan en il Grischun per in sez a Berna. Keystone

Per il numer da la glista per las elecziuns en il Cussegl naziunal è decisiva en il chantun Grischun il mument da l'inoltraziun. Glindesdi, ils 18 da matg (il pli baud termin pussaivel) ha la chanzlia survegnì 13 glistas. La sort ha lura decis il numer da las glistas. Fin l'ultim termin pussaivel (ils 3 d'avust) èn vegnidas vitiers duas ulteriuras glistas.

Fin ils 10 d'avust han las partidas grischunas anc temp d'annunziar a la chanzlia chantunala colliaziuns da glistas.

RR novitads 09:00