Siglir tar il cuntegn

Header

Navigaziun

cuntegn

Gieus olimpics 2026 È Tavau pront per gieus olimpics cun stadion renovà?

Per avair il nivel olimpic per ils gieus eventulas dal 2026 en il Grischun, stuess il stadion da hockey a Tavau vegnir renovà. Quai decida il suveran da Tavau questa stad.

Il stadion a Tavau è in dals pli bels stadions da hockey en l’Europa. Quai grazia a sia construcziun speziala da lain.
Legenda: Il stadion a Tavau è in dals pli bels stadions da hockey en l’Europa. Quai grazia a sia construcziun da lain speziala. Keystone

Tavau cun in stadion renovà pront per gieus olimpics?

Questa stad votescha la populaziun da Tavau davart ina renovaziun dal stadion da hockey. Vegni ditg gea, èsi cler ch’il stadion avess il 2026 nivel olimpic, di Marc Gianola, il schef da marketing tar il club da hockey da Tavau.

Plinavant èsi enconuschent ch’i po vegnir manà atras gronds eveniments da hockey en quest stadion.

A la Cuppa Spengler beneventia il HCD mintg’onn 70’000 aspectaturs en in’emna. Ins avessi pia la rutina ed experientscha, manegia l’anteriur chapitani da Tavau.

«Be» hockey da dunnas a Tavau il 2026?

Aerials e Moguls – duas variantas da freestyle, passlung e hockey sin glatsch da las dunnas. Quai èn las disciplinas che duain tenor il concept general avair lieu a Tavau. Cun quest concept na fiss ins betg cuntent, declera Tarzisius Caviezel, president communal da Tavau.

Per nus n'è quai nagin tema. Sche nus vegnin atras questa votaziun e Swissolimpic vul ir vinavant cun il concept dal Grischun vegnin nus schon a guardar che nus survegnin hockey sin il glatsch per ils umens a Tavau.
Autur: Tarzisius CaviezelPresident communal da Tavau.
Lai / ArosaSan MurezzanTavauCuiraFlem / LaaxGIEUS OLIMPICS 2026ILS LIEUS DALS GIEUSTuritgKlotenNossadunnaunEngelberg

Ils talents dad oz – olimpionics da damaun?

Mintga glindesdi avantmezdi treneschan intgins scolars da la scola da talents da Tavau sin il glatsch. Tranteren stattan dentant er trenaments da forza e cundiziun sin il plan.

RR actualitad 07:00 / 12:00

Argumentaziun per lieu

Da vart da la campagna en favur da gieus olimpics 2026 en GR hai num, che las raschuns daco che gieus da hockey d'umens n'èn betg planisads a Tavau sajan cleras: I vegn pretendì dal concept ch'ins bajegia uschè pauca infrastructura nova sco pussaivel ed il stadion a Turitg ha dapli capacitad che portia dapli entradas.