Siglir tar il cuntegn
cuntegn

Chantun Dus incendis chaschunan gronds donns

Gist en dus lieus en il chantun Grischun èsi vegnì la notg sin gievgia tar incendis. Dentant n’èn naginas persunas vegnidas blessadas.

Pumpiers cun mascas en in bajetg
Legenda: Ils pumpiers da Lai han stuì stgarpar si in plaun ed ina paraid. Polizia chantunala

A Valbella èsi vegni tar in incendi en ina chasa da vacanzas. En la chasa ch’è pli che 100 onns veglia han ils avdants percurschì bler fim davos la paraid da la pigna da plattinas ed en il palantschieu. Ils pumpiers hajan alura stuì allontanar las aissas per pudair stizzar il fieu, scriva la Polizia chantunala.

Ed a Sursaissa ha quai brischà en ina chasa d’ina famiglia. Era qua è sa furmà bler fim, ed ina sfratgada en cuschina ha alarmà ils cussedents. Quels han pudì fugir ed alarmar la polizia. Ils pumpiers da Sursaissa han lura svelt giu sut controlla l’incendi. La Polizia chantunala sclerescha ils motivs dals dus incendis.

RR novitads 18:00