Siglir tar il cuntegn

Header

cuntegn

DRG – tom 14 «Minzimiau» en la scienza

Nagut da scienza linguistica sitga e setga: Il nov tom dal DRG tracta pleds cun M – per exempel il «min». Igl è divertent da leger.

Il giat da l'artista Jacinta Candinas illustrescha l'artitgel davart il min en il DRG.
Legenda: Il giat da l'artista Jacinta Candinas illustrescha l'artitgel davart il «min» en il DRG. Jacinta Candinas

Cunzunt ils uffants dian min empè da giat u giattel. Ma era creschids – tuttavia da saun intelletg – cloman e carmalan lur minzi cun faviala miaivla e charina.

Il Dicziunari Rumantsch Grischun (DRG) enumerescha scientificamain variantas pussaivlas: min, mini, mimin, minali, mincal, mincalin, minet, miniet, minin, minign, minun, minimuni, minmin, minminzi eav.

Ma min signifitgescha anc autras chaussas:

  • Sch’insatgi a Lantsch dumonda Ast soi minets? vul quai dir Has plugls?
  • Min vegn era duvrà per lieurets u pitschnas muntanellas.
  • Ils pitschens puschels che creschan la primavaira sin chaglias pon ins era numnar mins.
  • Minchis, mincs u minis munta munaida u daners.

audio
Dicziunari Rumantsch Grischun: Il novischem tom «M»
ord Novitads dals 15.04.2020.
laschar ir. Durada: 3 minutas 37 Secundas.

Il DRG tradescha era, nua che la litteratura rumantscha scriva da mins. Qua exempels da trais idioms:

  • «Chegl marscha tar me! Prest tot las tgombras gio occupadas? E tot da chels digls minnigns mellens.»
  • «Ils da Tujetsch denton van ella schanuglia avon mintga leischen, sch’ei fredan mincs.»
  • «Schi baincomal è’l cagiò, il min brün, ün uorsun sco üna pigna.»

RTR actualitad 08:00

Artitgels legids il pli savens