Siglir tar il cuntegn
cuntegn

Chantun Domat vul investir en la scola

Il cussegl communal da Domat stgaffescha ina plazza da mainascola ed augmenta il pensum da lavur dal secretariat. En pli ha il cussegl scrit en ina communicaziun, da vulair investir 1,18 milliuns en novas stanzas per la scola Caguils.

La chasa da scola Caguils.
Legenda: La chasa da scola Caguils. RTR

Cun 12:2 vuschs è vegnì decis da stgaffir ina nova plazza da mainascola cun il credit supplementar correspundent. In ulteriur credit supplementar serva per auzar il pensum da lavur dal secretariat da scola dad 80% sind 100%. Augment da pensum e credit èn vegnids approvads cun 14:0 vuschs.

Credit da passa in milliun francs

Senza cuntravuschs ha il cussegl communal decis – per mauns da la votaziun a l'urna dals 12 da favrer 2017 – in credit da 1,18 milliuns francs. Uschia duai la chasa da scola Caguils vegnir engrondida cun stanzas da gruppas supplementaras.

Era ha il cussegl communal approvà unisono plirs credits per l'onn administrativ 2016.

RR novitads 06:00