Siglir tar il cuntegn

Chantun Dispita tranter LEGR ed adversaris dal plan d'instrucziun 21

Tranter l'uniun dals magisters grischuna LEGR ed il comité ch'ha lantschà l'iniziativa dubla «Buna scola grischuna – participaziun als plans d'instrucziun» datti charplina.

Ina tabla da paraid cun inscripzins e quints.
Legenda: Charplina pervi da la scola. Keystone

L'uniun da magisters aveva envidà il comité da l'iniziativa dubla «Buna scola grischuna – participaziun als plans d'instrucziun» a la radunanza da delegads. Il comité na suonda però betg l'invitaziun. La raschun saja che la suprastanza da la LEGR haja tramess a ses commembers in scriver cun ina posiziun tendenziusa e senza respect. Quai pretendan ils iniziants da l'iniziativa cunter il plan d'instrucziun 21. Sper quai fetschia la suprastanza da la LEGR la dumonda da prender 20'000 francs ord la chascha da l'uniun per cumbatter l'iniziativa dubla. Sut questas circumstanzas desistia il comité d'iniziativa da participar ad ina radunanza da delegads.

L'uniun da magisters è percunter trumpada e surstada da la reacziun dals iniziants e ch'els èn vegnids a savair quai ord las medias. Quai ha ditg Sandra Locher Benguerel, la presidenta da la LEGR, vers il schurnal regiunal da SRF.

RR novitads 18:00