Dis da litteratura survegnan premi SRG.R

Il premi SRG.R 2017 va als Dis da litteratura rumantschs a Domat. El è dotà cun 8’000 francs e vegn surdà a La Punt Chamues-ch a chaschun da la radunanza generala da la SRG.R il zercladur 2017.

Natalia Tuor, Sereina Nay, Maurus Candrian, Laura Decurtins Rosset e Sara Hermann.

Legenda da maletgs: Il comité d'organisaziun (da san.) Natalia Tuor, Sereina Nay, Maurus Candrian, Laura Decurtins Rosset e Sara Hermann. MAD

En l'argumentaziun hai tranter auter num ch'ì saja reussì als Dis da litteratura cun grond engaschi persunal da sa far in num e da chattar renconuschientscha lunsch sur ils cunfins dal Grischun ora.

«  Impressiunanta n'è betg mo la perseveranza dals organisaturs, mabain era la popularitad extraordinaria e cuntinuanta dals Dis da litteratura – e quai betg mo tar l'elita arrivada, mabain era tar ils litterats pli giuvens ed anc nunenconuschents. »

SRG.R

Dapi il 1990 porschan ils Dis da litteratura ina plattafurma ad auturas ed auturs sco er als amaturs da la litteratura rumantscha. Sco occurrenza culturala promovan els era la schientscha da la Svizra rumantscha per l'atgna cultura. Ils Dis da litteratura han mintgamai lieu il november a Domat.

RR novitads 11:00 / RR actualitad 17:00

Premi SRG.R

Cun il premi ch'ella surdat dapi il 1960 mintg'onn undrescha la SRG.R persunalitads ed organisaziuns che s'engaschan per la cultura e la lingua da la Svizra rumantscha. Onurad(a)s dals ultims onns: 2016 Clà Riatsch, prof. da romanistica, 2015 Corina Casanova, ant. chanceliera federala ed il 2014 Iso Camartin, publicist e prof. da romanistica.