Siglir tar il cuntegn
cuntegn

Chantun Digren da dischoccupaziun en il Grischun

L'avust è la quota da dischoccupaziun en il Grischun sa reducida per 0,1% a 0,9%. Quai munta 38 persunas damain ch'eran senza lavur l'avust, cumpareglià cun il fanadur.

Legenda:
Dumber da dischoccupads: Cliccar sin ils onns per activar e deactivar las lingias per cumparegliar la dischoccupaziun da differents onns Cifras da l'Uffizi d'industria, mastergn e lavur GR (2002-2018; stan 08-05-2018)

L'avust eran 1'046 persunas senza lavur en il Grischun. Quai è 38 persunas pli pauc ch'il fanadur. En detagl eri 515 dunnas e 531 umens, communitgescha l'Uffizi per industria, mastergn e lavur dal Grischun.

Total che tschertgan lavur èsi 2'387 en il Grischun

Pertutgadas èn surtut las branschas da gastronomia, da commerzi, da reparaturas e d'automobils. Sper las persunas dischoccupadas ha l'uffizi registrà 1'341 persunas che tschertgan lavur, èn però integradas en program d'occupaziun u furmaziun. Uschia resulta che total 2'387 persunas en il Grischun tschertgan ina plazza.

Quota constanta en Svizra cun 3%

En tut èn 135'578 persunas stadas senza lavur l'avust, communitgescha il Secretariat da stadi per l’economia SECO. Cumpareglià cun il fanadur è quai dapli persunas, la quota resta però tar 3,0%.

RR novitads 08:00