La producziun da film turitgaisa Elite ha segirà ils dretgs da filmar il cudesch, communitgescha la firma. En il cudesch «Die Kur» sa tschenta in pèr pli vegl suenter in gudogn en la tombola en in hotel da luxus en l’Engiadina. Il setting regorda vid il film «Youth» da Paolo Sorretino nua che dus artists pli vegls fan cura en il hotel Waldhaus a Flem.
Lavurs da film duain cumenzar l'atun 2017
Arno Camenisch è sa mussà cuntent davart la filmada planisada da ses cudesch. «Anc avant ch’jau hai insumma scrit il cudesch, hai jau gia vesì «Die Kur» sco film.», uschia Camenisch en ina communicaziun.
Tgi che maina la reschia n’ha il co-producent Roger Kaufmann betg vulì tradì sin dumonda da l’agentura da novitads sda. Ins sajan en contractivas cun plirs reschissurs, decis na saja anc nagut. La filmada duai cumenzar l'atun 2017 en l'Engiadina.