Siglir tar il cuntegn

Header

Navigaziun

Legenda: Guardar il video Giuventetgna duai duvrar ils meds dal traffic public. Durada 02:44 minutas.
Or da Telesguard dals 22.09.2016.
cuntegn

Chantun Di dal traffic public: Uffants emprendan co sa depurtar

Il traffic public ha envidà passa 1'000 uffants da scola per sensibilisar els per il traffic public. Tranter auter san els uss ch'els na dastgan betg mangiar u baiver en il bus e ch'els na dastgan era betg demolir ils vehichels dal traffic public.

Il segund di dal traffic public per uffants duai en emprima lingia sensibilisar ils uffants per il traffic public. Quai è vegni fatg cun differents posts – Ils uffants han pudì ir en la garascha dal bus da Cuira, els han pudì ir cun tren e cun auto da posta.

Durant tut quai han els emprendì ch'els ston sa depurtar, ch'els na dastgan betg mangiar u baiver els trens e bus e ch'els na dastgan era betg demolir insatge. Sper quai è ina ulteriura finamira da mussar ad els ch'il traffic public è insatge bel. E forsa er da far gust ad in u l'auter da lura far insacura l'emprendissadi tar il traffic public, han ditg ils responsabels per il traffic public en il Grischun.

RR actualitad 06:00