Siglir tar il cuntegn

Chantun Deputadas e deputads sin excursiun da vin

Bleras deputadas e deputads han gì in motiv da far festa - saja sin lur reelecziun ubain sin lur ultima sessiun en il Cussegl grond. Perquai èn deputadas e deputads sa radunads glindesdi saira a Fläsch.

Cler, las elecziuns da la dumengia èn anc omnipreschentas. I vegn gratulà, analisà e discutà. En il center da l'excursiun organisada dal president dal Cussegl grond Martin Aebli è dentant la cumpagnia stada.

Deputadas e deputads da tuttas fracziuns han fatg part a l'inscunter e tadlà cun interess ils pleds dal pur da vin Andrea Davaz - che ha preschentà ses manaschi a Fläsch.

Cun tensiun spetga la politica sin la repartiziun dals departaments tranter ils cussegliers guvernativs. In giavisch ch'è vegnì exprimì da pliras varts è ch'i dettia ina roschada, cunzunt en il departament d'educaziun ch'è dapi 20 onns en ils mauns dals socialdemocrats ubain en il departament d'economia ch'è dapi decennis en ils mauns dals burgais.

Decider decidan ils tschintg commembers da la regenza la fin da zercladur.

RR actualitad 08.00