Suenter blers onns puspè avair dus sezs en la regenza grischuna, quai è la finamira da la PCD per las elecziuns dal 2018. In candidat è fix, il cusseglier guvernativ Mario Cavigelli. L’auter è il Sursilvan Marcus Caduff, il nov directur da l’ospital regiunal Surselva a Glion.
Origin sco avantatg
Che Marcus Caduff è Sursilvan, quai saja in avantatg, di il vicepresident da la partida Alessandro Della Vedova. En Surselva ha la PCD fitg blers simpatisants ed uschia era vuschs per l’elecziun da l'onn 2018. Plinavant saja Marcus Caduff enconuschent sco politicher era sur ils cunfins da la partida.
RR actualitad 07:00