Siglir tar il cuntegn

Header

Navigaziun

Ils commembers dal comité d'iniziativa cunter la chatscha speziala.
Legenda: La stad 2013 aveva il comité d'iniziativa surdà las suttascripziuns per l'iniziativa che vul abolir la chatscha supplementara. RTR, M. Candrian
cuntegn

Chantun Declerar nunvalaivla l'iniziativa cunter chatscha speziala

La cumissiun per ambient, traffic ed energia dal chantun Grischun ha predeliberà la missiva da la regenza sur da l’iniziativa che vul abolir la chatscha supplementara. Quai communitgescha la regenza grischuna.

La cumissiun propona da declerar l’iniziativa sco nunvalaivla. La maioritad da la cumissiun suonda uschia la proposta da la regenza. La lavur da la cumissiun era da guardar sche l’iniziativa saja giuridicamain valaivla. Sco che la regenza scriva, stettia l’iniziativa en cuntradicziun cun la lescha federala subordinada.

Il cussegl grond vegn a tractar l’iniziativa cunter la chatscha speziala en la sessiun da favrer.

RR novitads 09:00