Siglir tar il cuntegn
Inhalt

Chantun «Dar il maun a la persuna d'instrucziun tutga tar nossa cultura»

Dar al maun a la scolasta u al scolast. Ina chaussa che franc mintgin da nus ha fatg 100 giadas. Ma, ils davos dis ha quest usit procurà per discussiuns. En ina scola secundara a Therwil en il chantun Basilea Champagna è vegnir decidi che muslims na ston betg dar il maun a la scolasta.

Il scolast declara ad il uffant ina lavur al pult.
Legenda: Tenor Martin Jäger tutga dar il maun al scolast u alla scolasta tar la cultura Svizra. Keystone

Dar il maun al scolast u a la scolasta. Ina chaussa che franc mintgin da nus ha fatg 100 giadas. Ma ils ultim dis ha quest usit procurà per discussiuns. En ina scola secundara a Therwil en il chantun Basilea Champagna è vegnì decis che muslims na ston betg dar il maun a la scolasta.

Martin Jäger, minister da scola dal Grischun na chapescha betg ina tala decisiun. Dar il maun a la scolasta u al scolast tutgia simplamain tar nossa cultura Svizra. Scolars muslims stoppian esser abels da s’integrar en quest cas.

In cas sco a Therwil è in cas singular

Silvio Dietrich, mainascola da Glion, sco er Martin Mathiuet, mainascola a Maiavilla han anc mai gì prblems sumegliants sco a Therwil.

En il cas ch’i dessi ina giada problems cun ina scolara u cun in scolar, fissi da discurrer cun ils geniturs e declerar quai, di il mainascola da Glion, Silvio Dietrich.In zic auter vesa Martin Mathiuet l’entira chaussa. Uschia ina situaziun stuess vegnir reglada en il chantun u perfin en l’entira Svizra.

Las scolas e betg il chantun ston far cler las valurs ch'èn da respectar.
Autur: Martin Jägercusseglier guvernativ

Il minister da scola, Martin Jäger di dentant che quai è na betg la lavur dal chantun. I saja dentant impurtant che las scolas vegnian da far clar a scolars e scolaras, ch’i dettia simplamain valurs ed usits ch’èn da respectar.