Siglir tar il cuntegn

Header

cuntegn

Chantun Dapli svieuta, damain gudogn per Matterhorn Gotthard Bahn

La Matterhorn Gotthard Bahn ha puspè fatg dapli svieuta l'onn 2015. Tuttina resulta il quint annual en in minus; l’interpresa perda 300’000 francs.

La svieuta saja s'augmentada per 6 pertschient cumpareglià cun l'onn avant sin var 109,2 milliuns francs, scriva la MGB. Ina raschun saja l'introducziun dal tact da mes'ura sin il traject tranter Fiesch e Zermatt. En tut ha la MGB transportà l'onn passà 6,4 milliuns passagiers. Il 2014 eran quai anc 6,1 milliuns persunas. Malgrà questas cifras positivas e creschentas: il quint annual serra cun in minus da 300'000 francs.

Investiziuns per il futur

En tut ha l’interpresa da viafier investì en l’infrastructura il 2015 dapli che 70 milliuns francs. Ina part da questa summa è culada en las preparativas per la sanaziun dal tunnel dal Furca. Fin il 2033 vegn quai project a consumar 190 milliuns francs.

Sco la MGC scriva, sa concentreschia ella actualmain sin la situaziun dal Glacier Express che patescha da la flaivlezza da l’euro. Malgrà questa sfida quinta l’interpresa per il traffic regiunal dal 2016 cun in resultat positiv – cunzunt pervi da las pussaivladad da svilup e pervi dal tact da mes’ura.

RR novitads 17:00

Artitgels legids il pli savens