Dapli lavur per fugitivs

«Fugitivs vulan lavurar e betg agid social» - sut quai motto ha la fracziun da la PS inoltrà ina moziun a la regenza. Cun success - 94 encunter 6 deputads han sustegnì la PS, la regenza ha uss l'incumbensa da rinforzar las stentas che fugitivs vegnan pli spert e pli sempel tar lavur.

Um che sa scolescha.

Legenda da maletgs: Scolaziun da linguatg è ina da las premissas per pudair porscher lavur a fugitivs. Keystone

Requirents d’asil han nagin dretg da lavurar, fugitivs perencunter schon. Dentant er per fugitivs ha quai per la PS, per ina maioritad dal Cussegl grond e per la regenza anc damemia crappa en via per vegnir tar ina lavur.

Linguatg e scolaziun

Els na san betg il linguatg, han bleras giadas nagina scolaziun ni er nagina rait sociala en Svizra. I dovria pia dapli curs da linguatg, practicums ed scolaziuns. La regenza è vegnida incumbensada, da rinforzar che quai saja pli simpel e giaja pli spert d'integrar fugitivs en il marchà da lavur. La regenza vesia il basegn d'agir e saja gia activa. Ella haja fixà en il programm per ils proxims onns da prender mesiras correspundentas. Ed er la partiziun d'integraziun da l'Uffizi per migraziun haja en acziun jobcoaches che fetschian lur pussaivel.

RR Actualitad 07:00