Siglir tar il cuntegn

Header

cuntegn

Chantun Dapli glieud en muntogna – e tuttina damain morts en lavina

Malgrà che pli blers van cun skis sper la pista datti betg dapliras unfrendas da lavinas. Quai resulta da la statistica da l’institut da perscrutaziun da naiv e lavinas a Tavau.

Ils ultims 80 onns èn mortas en Svizra radund 2’000 persunas en lavinas. En lieus protegids sco vias e pistas hai dà en quai temp adina pli paucs morts. Ils onns 1940 murivan en media anc 15 persunas ad onn en lavinas. Il 2010 è la media sa sbassada ad ina persuna morta.

En lieus na protegids hai dà ils onns 1980 in maximum da 27 morts da lavina ad onn. Quel dumber è sa sbassa ils onns 90 sin 20 morts ad onn ed è stà constant dapi lura.

RR novitads 10:00

Artitgels legids il pli savens