Siglir tar il cuntegn
cuntegn

Chantun Dapli giasts per las pendicularas grischunas

Il favrer han las pendicularas grischunas nudà per 1,4% dapli giasts cumpareglià cun il medem temp da l'onn passà. La media dals ultims 10 onns mussa dentant anc adina in minus da 5,2%.

Staziun Corviglia sur San Murezzan.
Legenda: La regiun da l'Engiadin'Ota ha nudà il pli aut plus da tut las regiuns en il chantun. Keystone

Sco las pendicularas grischunas scrivan han tut las regiuns dal chantun nudà in plus. Il grond noda l’Engiadin’Ota cun plus 3%, il pli pign augment noda la regiun Surselva cun in plus da 0,3%.

La naiv e la bell’aura

Sco raschuns per quest plus numnan las pendicularas grischunas las bunas relaziuns da las pistas e la bell’aura. Decisiv per il svilup da l'entira stagiun è uss dentant anc l’aura da las emnas proximas e sur ils firads da Pasca.

A partir dal cumenzament da la stagiun enfin il favrer han las pendicularas grischunas pudì nudar in plus da 5,3% dapli giasts en cumparegliaziun cun l’onn passà.

RR novitads 18:00