Cumpareglià cun il mars da l'onn passà è il dumber da las pernottaziuns creschì en il Grischun per 13,7% sin radund 635'000. Quai resulta da las cifras provisoricas da l'Uffizi federal da statistica. Cunquai è il Grischun la regiun turistica ch'ha pudì nudar il pli grond augment.
Regiuns muntagnardas han attratg ils giasts
Er tschintg autras regiuns muntagnardas han gì dapli giasts - il segund grond creschament po il Vallais e la Part Sura Bernaisa nudar cun in plus da 50'000 respectivamain 30'000 pernottaziuns.
Pasca il mars e betg l'avrigl
En l'entira Svizra è il dumber da las pernottaziuns creschì per 5,7% sin stgars 3,2 milliuns. In minus ha il chantun Genevra nudà. Là ha i dà 4,2% damain giasts.
Las cifras èn però da relativar cunquai che Pasca è quest onn crudà sin l'ultima emna da mars, l'onn passà però sin l'emprima d'avrigl.
RR novitads 10:00