Siglir tar il cuntegn

Header

cuntegn

Chantun Dapli dischoccupads en il Grischun

Il mais d'october èn 609 persunas dapli stadas senza lavur che anc il settember. En tut èn stadas 1'775 persunas senza lavur il mais d'october. Quai correspunda ad ina quota da dischoccupaziun dad 1,6%.

Legenda:
Dumber da dischoccupads: Cliccar sin ils onns per activar e deactivar las lingias per cumparegliar la dischoccupaziun da differents onns Cifras da l'Uffizi d'industria, mastergn e lavur GR (2002-2018; stan 08-05-2018)

Tenor l'Uffizi per industria, mastergn e lavur è il motiv per l'augment dal dumber da dischoccupads, la finiziun da la stagiun da stad ed atun en il turissem. Cumpareglià cun l'october avant in onn èn bunamain 100 persunas pli pauc senza lavur.

Sch'ins quinta anc las persunas che n'èn betg senza lavur, ma a la tschertga d'ina plazza (persunas che fan p. ex. scolaziuns, u sa participeschan a programs d'occupaziun) sa resulta in dumber da 3'153 persunas che han tschertgà ina plazza l'october. Cumpareglià cun il settember èn quai 563 persunas dapli.

Svizra: Quota da dischoccupaziun constanta

En Svizra è il dumber da dischoccupads creschì da 133'169 persunas il settember sin 134'800 l'october. Il dumber da betg dischoccupads, ma a la tschertga d'ina plazza è tar 63'225 persunas. La quota da dischoccupaziun è restada constanta tar 3% sco gia il settember.

Cumpareglià cun l'october 2016 è il dumber da dischoccupads sa reducì marcantamain. Quai per bunamain 7% u 10'000 persunas.

RR novitads 08:00 +

Artitgels legids il pli savens