Il cusseglier guvernativ Christian Rathgeb ed il directur da la duana Rudolf Dietrich han suttascrit ina cunvegna che optimescha la collavuraziun existenta. Il contract fixà da nov remplazza ina cunvegna da l'onn 2008. El cuntegna adattaziuns a differentas midadas da lescha. Vitiers duai la collavuraziun vegnir extendida e daventar pli efficazia.
Dapli cumpetenzas per ils Guardia da cunfins
Era sche la collavuraziun tranter la Polizia chantunala ed il Corp da guardia da cunfi nsaja sa cumprovada ils ultims onns, dettia quai anc adina sinergias pussaivlas, communitgescha la chanzlia statala. Tranter auter po la guarda da cunfin danov
- rapportar autonomamain a la procura publica
- chastiar independentamain tscherts surpassaments da la lescha da narcotics
- dapli cumpetenzas en cas da cuntravenziuns cunter la lescha federala davart las persunas estras
Reglas pli flexiblas
Ils reglaments èn danov era pli flexibels. Uschia po la Polizia chantunala en l'avegnir delegar ulteriuras incumbensas a la Guardia da cunfin - pia che lezzas pon liquidar anc dapli incumbensas autonomamain. Quai dovra però anc il consentiment dal departament.
RR novitads 16:00