En brockis chatt'ins tut il pussibel ed impussibel. Gia inqual stgazi è vegni chatta en las curunas d’ina brocki. Avant che quella rauba riva dentant d’ina abitaziun en la brocki è quai in magari lung viadi. Tar la Gross Brocki a Cuira vegn la rauba emprim messa en in dals deposits. Da là ora cura ch’i dat plazza en il magasin e pir cur ch’ins ha avunda plaz en la brocki sezza vegn il bun toc era exponì. Perquai ha il maina affar Jürg Adam prendì a nus davos las culissas da sia brocki.
1 / 11
Legenda:
Il magasin da la brocki n'è betg uschè spectacular sco spetgà.
RTR, Gian-Marco Maissen
2 / 11
Legenda:
Il magasin ha sistem, dentant va gugent mintgatant a perder insatge.
RTR, Gian-Marco Maissen
3 / 11
Legenda:
Ina da las dus garaschas plaina cun rauba.
RTR, Gian-Marco Maissen
4 / 11
Legenda:
L'uffizi da lavurar è cler ed agreabel per lavurar.
RTR, Gian-Marco Maissen
5 / 11
Legenda:
250g guttas per stgatla – quai il pensum per quest client.
RTR, Gian-Marco Maissen
6 / 11
Legenda:
Sientaders da maun vignan qua per exempel demontads.
RTR, Gian-Marco Maissen
7 / 11
Legenda:
Il plastic assortì pon ins lura puspè duvrar per exempel per granulat da squitschaders 3D.
RTR, Gian-Marco Maissen
8 / 11
Legenda:
La tocca montada vign porziunada e puspè tramessa enavos al client.
RTR, Gian-Marco Maissen
9 / 11
Legenda:
Passa 100 collavuraturs vignan occupads en la Dock Graubünden. Ils blers lavuran 50%.
RTR, Gian-Marco Maissen
10 / 11
Legenda:
Assortir metals è ina da las occupaziuns regularas tar Dock Graubünden.
RTR, Gian-Marco Maissen
11 / 11
Legenda:
E puspè è ina chargia rauba montada pront per transportar.
RTR, Gian-Marco Maissen
audio
Bunura: La firma davos la Gross Brocki
02:55 min, ord Actualitad dals 02.08.2017.
laschar ir. Durada: 2 minutas 55 Secundas.
L’edifizi da la Gross Brocki a Cuira è magari grond. Dentant mo la mesadad è era propi brocki. L’autra part vegn duvrada da Dock Graubünden. Ina firma d’industria che tutga tar la brocki. Passa 100 collavuraturs monteschan, demonteschan u assorteschan rauba che roboters na san betg far. Lavurs simplas e monotonas che pussibiliteschan a glieud che na chatta betg plazza el mund da lavur normal d’avair in’occupaziun. Saja quai pervi da dependenzas, problems cun il dies ni difficultads da sa concentrar. La gronda part haja in pensum da lavur da bun 50% di il manader Jürg Adam. Uschia vain nus normalmain ca. 45 persunas che lavuran il medem mument qua. D’ina vart dettia l’occupaziun a las persunas in meglier sentiment, da l’autra vart vegnan els uschia era tar contacts socials. Era sche blera glieud lavura qua, ritg na vegn ins betg en questa branscha manegia Jürg Adam. Lura saja la brocki schon pli rentabla.
