Siglir tar il cuntegn

Header

video
Mesiras repressivas – in chapitel stgir en l'istorgia girschuna
Or da Telesguard dals 18.05.2017.
laschar ir. Durada: 4 minutas 10 Secundas.
cuntegn

Chantun Dapi 150 onns datti mesiras repressivas en il Grischun

Il chantun Grischun vala sco piunier en dumondas da mesiras repressivas per motivs da provediment. Ina publicaziuns fa uss attent sin il destin da 1500 persunas ch’èn vegnidas plazzadas per sforz en la ««Chasa da correcziun Realta»».

audio
Saira: Mesiras repressivas – la rolla dal Grischun
ord Actualitad dals 18.05.2017.
laschar ir. Durada: 3 minutas 41 Secundas.

Sco in dals emprims chantuns ha il Grischun elavurà a moda scientifica passa 150 onns mesiras repressivas per motivs da provediment. La publicaziun dilucidescha en spezial la «Korrektionanstalt Realta» nua che 1'500 persunas èn vegnidas plazzadas per sforz.

Mesiras da repressiun han durà fin il 1981

10'000 d’uffants èn vegnids plazzads en famiglias estras ni chasas d’uffants senza lur voluntad ni quella da lur geniturs. Divers èn vegnids maltractads era sexualmain.

Uffants e creschids èn vegnids sterilisads cun sforz ni serrads davent senza sentenzia giuridica. E quai fin il 1981.

Lunsch èsi vegnì taschì davart las malgiustias

Pir il 2013 è la ministra da la giustia Simonetta Sommaruga sa perstgisada en num dal Cussegl federal ed empermess scleriment en chaussa. Sco consequenza ha era la regenza grischuna decis in onn pli tard da perscrutar las mesiras repressivas per motivs da provediment ch’èn capitadas en il chantun Grischun. Suenter in onn perscrutaziun ed analisa è uss quest studi sin maisa.

Realta sco instituziun da muster per la Svizra

A mez il 19avel tschientaner è Realta stà ina da las sulettas talas instituziuns en Svizra. Quest studi duai gidar a sclerir ils fatgs ch'igl è vegnì fatg tort a numerusas persunas pertutgadas da mesiras repressivas, uschia communitgescha la regenza. Per reparar quest donn dovri ina vasta elavuraziun scientifica da quai ch'è capità.

Alcohol grond problem

La publicaziun illustrescha ina rolla da piunier dal Grischun – ma ina main positiva.
Legenda: La publicaziun illustrescha ina rolla da piunier dal Grischun – ma ina main positiva. mad

Quellas persunas han per part stuì passentar plirs onns a Realta senza ch'ellas vessan fatg in delict penal. Persunas tge han per part simplamain betg propi chattà in plaz ella societad e valevan sco «liederlis». Qua giugava surtut il consum d’alcohol ina gronda rolla. Il consum d’alcohol ed uschia ils cas d’alcoholissem eran savens en il chantun Grischun ed han cunzunt tar ils umens giugà ina gronda rolla a Realta. Tar las dunnas vegniva «liederli» dentant definì auter. Qua vegniva surtut dunnas taxadas che sa prostituivan.

Da principi chattavan las autoritads dentant adina ina raschun da metter ina persuna en la chasa da correcziun cun quai che la definiziun da «liederli» era uschè vasta.

RR actualitad 17:00

Artitgels legids il pli savens