Il fanadur 2018 eran 929 persunas senza lavur en il chantun Grischun. Quai correspunda ad ina quota da dischoccupaziun da 0,8%. Cumpareglià cun il zercladur è il dumber da dischoccupads sa reducì per 200. Quai communitgescha l'Uffizi per industria, mastergn e lavur dal Grischun.
Dals 929 dischoccupads eran 436 dunnas e 493 umens. Ils pli blers dischoccupads han nudà la gastronomia, il commerzi en detagl e l'industria da construcziun.
Il fanadur 2018 ha in'interpresa cun 164 collavuraturs introducì lavur curta. Il mais precedent eran quai anc duas interpresas cun 210 collavuraturs.
Er damain dischoccupads en Svizra
Il martgà da lavur en Svizra è restà stabil. La quota da dischoccupaziun è stada il fanadur tar 2,4% – tuttina sco il matg. En l'entira Svizra è il dumber da dischoccupads sa reducì levet da 106'579 sin 106'502.
Il fanadur avant in onn muntava la quota da dischoccupaziun anc a 3,0%. Quai communitgescha il Secretariat da stadi per l'economia (SECO).
RR novitads 08:00
