Da principi van las fracziuns dal Cussegl grond d'accord cun il sboz davart la revisiun totala da la lescha davart las scolas medias. Quel prevesa numnadamain da mantegnair la structura decentrala cun las scolas en las regiuns. Inqual midada han ils deputads tuttina inoltrà.
- PCD: Regenza duai suttametter al Cussegl grond la dumonda, sch'ina scola media ch'ha problems finanzials e dovra sustegn, tutga tar il coc da la offerta decentrala ch'il chantun sto porscher.
- PLD: Scolas medias privatas duain pudair far gudogn - impurtant è che quel resta e vegn duvrà per la scola.
- PBD: Pauschala da manaschi ed investiziun duai vegnir midada en ina pauschala da scolars per ch'ils daners pon vegnir duvrads là nua ch'i dovra els.
- PPS: Scolas privatas duain avair dapli spazi puncto daners, duain dentant betg vegnir salvadas per tut pretsch.
- PS: Prender or formulaziuns facultativas ch'i na dovra betg e tut las scolas duain preschentar il quint tenor il medem model per ch'ils quints èn er cumparegliabels.
audio
Saira: Reacziuns dals deputads sin la lescha da scolas medias
ord Actualitad dals 07.02.2018.
laschar ir. Durada: 2 minutas 59 Secundas.
Quai èn insaquantas da las propostas che las fracziuns han inoltrà en il rom da la consultaziun. Uss èsi en ils mauns dal chantun da surlavurar la lescha che vegn lura probabel discutada l'october en il Cussegl grond.
RR actualitad 17:00