Gia en il temp medieval enconuscheva la glieud bain las ervas. Ins duvrava ellas per medegiar ils pli differents mals. Las strias, las expertas d’ervas da quest temp, vegnivan lura era stimadas. Mo cun quai èsi stà a fin cun la cristianisaziun. Lura han ins mazzà millis e millis d’ellas. Mo la muntada da las ervas è enfin oz restada gronda.
Ervas en 80% dals medicaments
Era en il mund modern cun tut las pussaivladads tecnicas e chemicas n’han las ervas betg perdì impurtanza. Las ervas èn da chattar en fitg blers differents products, davent da cremas encunter crappagls enfin sirups cunter la tuss.
L’exposiziun en il museum da la natira a Cuira mussa l’istorgia e la muntada da las ervas. Averta è l’exposiziun davent da mesemna saira, ils 12 d’avrigl 2016.
RR actualitad 17:00