Siglir tar il cuntegn

Chantun Cussegliers guvernativs èn fieu e flomma per il Parc Adula

Mario Cavigelli e Christian Vitta dal Tessin èn s'inscuntrads dumengia ad Acquacalda cun las uniuns promoturas. Sco quai che l'Agentura da Novitads Rumantscha scriva, hajan omadus accentuà l'impurtanza dal project per il futur da las regiuns pertutgadas.

Cusseglier guvernativ Mario Cavigelli (san.) e ses collega tessinais Christian Vitta a la sentupada ad Acquacalda.
Legenda: Cusseglier guvernativ Mario Cavigelli (san.) e ses collega tessinais Christian Vitta a la sentupada ad Acquacalda. ANR, Hans Huonder

Tenor Cavigelli portia il parc blers avantatgs cun l'opziun da pudair decider en 10 onns sch'il project duai cuntinuar. Era è Cavigelli sa mussà satisfatgs ch'ils conflicts en la zona da coc hajan pudì vegnir schliads e ch'i na dettia naginas ulteriuras restricziuns en la zona circumdanta.

Tar la sentupada dumengia ad Acquacalda ha ses collega tessinais, Christian Vitta, manegià ch'il Parc Adula saja in project pluricultural che gidia a rinforzar ils lioms tranter las differentas regiuns. Il president da l'uniun Pro Parc Adula, Sep Cathomas, ha ditg ch'i saja pussaivel da cumbinar il potenzial natiral cun novas perspectivas economicas. Quai saja ina gronda schanza.

Legende: Video Parc Adula - video da RSI (talian) abspielen. Laufzeit 02:10 Minuten.
Or da RTR dals 22.08.2016.

La contribuziun da televisiun da Radiotelevisione Svizzera davart l'inscunter ad Aquacalda (cun il commentari talian).

RR novitads 18:00