Siglir tar il cuntegn
cuntegn

Chantun Cussegliaders da privels da la natira fan buna lavur

Il chantun Grischun ha fatg bunas experientschas cun ils cussegliaders locals da privels da la natira. Quels surprendan ina rolla centrala en il management local da privels da la natira.

Maletg d'ina bova. Crappa sin via.
Legenda: Ils cussegliaders da privels da la natira giuditgeschan la situaziun da privels. Keystone

Sco il chantun scriva han ils cussegliaders locals da privels da la natira fatg ils davos 4 onns buna lavur. Dapi il 2013 instruescha l'uffizi da guaud e privels da natira persunas en las vischnancas ch'observan il svilup da l'aura, che giuditgeschan la situaziun da privels ed ch'averteschan las autoritads communalas.

Ils cussegliaders da privels da la natira dovran enconuschientschas ed experientschas sur dals privels en lur territori per planisar il cas d'urgenza. Actualmain s'engaschan 65 cussegliaders en 80 vischnancas da tut las regiuns dal chantun Grischun per la protecziun da privels da la natira. Il chantun ha planisà d’instruir anc ulteriurs cussegliaders.

RR novitads 14:00